開左個新xanga!!

1/2

HAPPY BIRTHDAY TO CHERRY SO!!!

琴晚放工後同老公食野之後返學,而老公就係MTR等我放學.........辛苦你 la~

之前諗左好多地方,唱k,打邊爐,食壽司........最後 So 大小姐決定去cafe,

再返旺角上cafe 搵 cherry 佢地,佢地真慘專登唔食野,等食cafe,點知間cafe 冇曬意粉食,

攪到佢地只係食左件 cake同飲野,根本唔夠飽!!!

由於冇野食好快就走,又諗唱 k.....點知見到<長江七號>上左畫,好快咁決定睇 la,

本來8個人一齊睇,因美芬無船搭返長洲所以同 wandy 走先,

咁我地去左打機先,同 tammy打個部勁好玩,下次再一齊打!!!

開頭諗住而家周星 馳 d 戲無以前咁好笑,都冇抱太大期望,

點知真係幾好笑,阿威真係笑到全場都聽到佢把聲,真誇張!!!

美嬌一出場真係笑爆咀,haha!睇左就明架la~仲有感人位tim~

睇完都3點幾,佢地又係到講去唱 k,真係好精力~

如果唔係望到老公好似唔想我去既樣,我都會去,

最後大家都冇去,逐個送去搭車,返到屋企 4 點 la~而老公5 點先到~

講返之前 7姑送左兩張 UA 戲飛我,老公話因為太夜冇咩戲揀,咁就揀左<腦網追兇>,

WA.......真係勁眼訓,成套好似黑白片咁.........講法文......

又話係動作片,冇乜幾場打鬥,而係講高科技,洗腦~真係有少少覺得浪費左兩張飛!!

前兩日7 姑送左件大褸比我,係類似我之前係 a.y.k 睇中但冇碼個款,好開心,好多謝~

琴日著左,阿 ling 話好似仲靚過 a.y.k 個件~~ 我知佢都好鍾意但由於得一件,

所以冇得叫佢去買,咁你快d 搵下邊到有 la!!

呢排同老公係咁買野過新年,

而家天氣仲係咁凍都冇咩衫可以著,著來著去都個幾件,

d新衫又冇機會著~不過我今日已經著緊係 izzue 買既閃牛仔褲.....同用新袋,

真係等唔到新年 la~聽 baba 講新年都係凍.....唉..........

琴日去左剪髮,個髮型師話我個幾月前先剪完咁快又剪,

有d 咁既事??我仲以為係 2,3 個月前........我話d頭髮好厚,

佢就話一d都唔厚,個刻都有少少想走,但都做完 treatment la,咪剪埋去law~

剪完好似冇剪過咁......完全唔覺有薄過,佢仲要話再剪睇到頭皮架la,真誇張!!!

係d 陰唔同左,但都係鍾意之前多d ~返到屋企 mama仲問:乜你有剪過咩?以為我d 陰梳過ja.....

阿 U, 叫我留長d  3 個月後先好搵佢,haha!! 不過佢話佢成日都見到我慢慢行咁返工,ha~

從大陸 x 骨回來後經歷了感情的起跌,

那麼的爽快.......又那麼的後悔,

那為何你要說這樣的話??

經過今次後大家知道彼此不能分開,

既然愛著對方,就應懂得千就,

這~我們應好好學習~~

為自己所愛的人而改變吧!!!

22/1

放工後去元朗拿証書,之後搭輕鐵去元朗中心,

去左食目黑壽司,最鍾意食(火焰芝士吉烈炸蝦卷),

再行一陣等睇<末世凶煞>,個商場真係完全冇野行,

戲院勁細........聽哥哥同表哥講套戲會睇到會好暈同想嘔,

開頭睇都冇乜野,點知睇睇下,好似有d唔舒服,諗住會唔會係d 烏龍茶呢,

但我成日都飲架 la,之後頂唔順要食香口膠先好 d,

套戲真係幾正,幾鍾意用第一生既手法,好迫真,被野咬親個女仔死個到好驚.........

如果唔怕暈既人,真係要去睇!!!

23/1

放工諗住返屋企同mama 食清淡 d,點知兩個姑姑係留下完電髮,

去左新星食,好飽........每日都大魚大肉,食得肚脹脹咁,

身邊 d 人都話我比從前肥,塊面又圓左..................

想食小 d 野,但每日都出街食,又唔想浪費食物,將來我會唔會變成肥妹呢??